plezurigan viziton !

plezurigan viziton !

14.8.14

Spermatozooj preferas kilton.


            Antaŭ kelkaj monatoj aperis en la seriozega Skotlanda Medicina Ĵurnalo memuaro de serĉisto de Universitato de Roterdamo, kies temo estas la malaltiĝo de vira fekundeco, pro la nova kutimo (nova, almenaŭ laŭ historia skalo) surporti tro mallozajn kaj varmajn pugujojn, tio estas ĝinzoj, sed precipe kalsonoj, kalsonetoj, ĉu bokseraj, kacujaj (ankaŭ kromnomitaj kanguruaj) aŭ eĉ ŝnuraj.
            Ĉar tiu ĉi kutimo altigus la temperaturon de la skroto (pli vulgare, t.e. kojonoj, sed kial ne profiti la okazon por riĉigi nian vortprovizon) je pli ol 3 gradoj, multe tro por la bona sano kaj produktado de spermatozooj, kies ideala varmeco estas je 34 gradoj.  
            Eble vi vin demandas, kial tiu memuaro interesas aparte la geskotojn ? Tutsimple ĉar ĝi klarigas la sufiĉe rimarkindan malaltiĝon de naskiĝokvanto en lando, kie viroj, ĝis nelge, kutimis surhavi la faman antikvan kilton.
            Do, se por savi la estontecon de raso kaj patrolando, kilto, ho jes ! Sed nepre laŭtradicie, tio estas sen ia ajn kalsono ! Des pli ke, iel ajn, aerumado neniam malhelpas. Tute male !... 

  
            Kvankam multaj gejoj fajfas pri la sanstato de sia mikroskopa kaj enkojona erosarmeo (almenaŭ tiom longe, kiom ĝi neniel ĝenos kaj malhelpos fikkapablon) ni ne forgesu tiujn el ni, kiuj ne rezignis pri patriĝo. Sed finfine, patriĝo aŭ ne, ĉu vi ne ŝatus grandskalan populariĝon de kilta (senkalsona) surportado ?   
              Eblas revi… Neniam plu mi timus (pro tute stulta superstiĉo) pasi sub ŝtupetaro, kie elektristo, farbisto, masonisto, vitropurigisto, pompluganto, afiŝisto… laborus. Tute ne ! Mi eĉ tie haltus kelkfoje, kaj subapogiĝante, mi ĝentile salutus kaj kuraĝigus tiujn manlaboristojn, kies utilo neniam estas sufiĉe agnoskata en niaj modernaj socioj.


Aucun commentaire:

Enregistrer un commentaire