plezurigan viziton !

plezurigan viziton !

4.10.14

Bukolikoj.


Grekujo, o hela bordo, sunolando,
Patrino de l’ parfum’, de gajec’ kaj rozoj,
Vi, kiun salutas pro disaj memoroj   
Sur ruĝaj montetoj ĉiam vojaĝanto,

Per via ĉizilo neniam vi kreis 
Pli belan statuon aŭ pli belan knabon
Ol paŝtisto-Dafnon, kies sur Pelion’
Ŝafaron kaj revojn naivajn mi gardis.

Dum tagoj de forges’, ombre de lia kor’,
Mi spertis langvoron de l’adora sekret’ :
Mi, kiu tremetis nur pro lia ridet’
Kaj foriris blinda pro la mia dolor’ !

De nun li estas for, ankaŭ for lia ĉarm’,
Tial same kiel katenita hero’
Kun argilaj membroj kaj brila rigardo
Ne povas mi kapti tenilon de la arm’   

Grekujo, o hela bordo, sunolando,
Al mia nostalgi’ kaj kantanta dezir’
Redonu la knabon, la blondan paŝtiston
Kies okulparo pli belas ol ĉiel’.

Jacques d’Adeswärd Fersen, el L’Hymnaire d’Adonis, 1902. 
elfrancigo de Ĵero.

1 commentaire: