plezurigan viziton !

plezurigan viziton !

14.10.14

Priapaj poemoj.




Ke vi ne estu kaptita ! Ĉar nek per baston’ mi vin nocos,

ankaŭ ne estos vund’ pro mia kurba falĉil’ ;

per futlonda ĉi stango borite vi tiom larĝiĝos,

ke eĉ kredos vi inte la pugon sen fend’.






Vi ne negu ke vin mi ja avertis :

venu ŝteli – vi iros jam bugrita.



Venas foje logite de la puno

ŝteli iu pli mola ol ansero* :

li senlime rabadu : mi ne vidos.



Se la dolĉo de figoj vin allogas,

kaj vi emas la manon alentendi,

min rigardu, ŝtelisto, kaj pritaksu,

kian pezon da kaco vi prikaku.



Priapo, ke al vi pezegas la kaco,

ke ĝin riproĉas li al vi en vers’ sia,

poeto nia, –  ne prihontu vi tion :

ne havas vi pli pezan ol poet’ nia.



* Ansero = simbolo de moleco, lascivo kaj samseksemo (noto de la tradukinto).



El « Antologio Latina », volumo 2, kompilita kaj tradukita far Gerrit Berveling. Eldonejo : Fonto (Brazilo).  


Aucun commentaire:

Enregistrer un commentaire