plezurigan viziton !

plezurigan viziton !

18.12.14

Trista nupto.




Mi verkis poemon (kanzonon ?) laŭ tradicia malnovmoda maniero de maristaj aŭ kamparaj kantoj mialandaj.

Almenaŭ ĉifoje ne temos pri gea amrakonto, sed ja pri geja.

Se tiu ĉi al iu plaĉas, kiu scipovos ĝin muzikigi, ri prenu ĝin senhezite kaj plenrajte. Honoro mios !


Jen kanzono nova, ho kantu alaŭdeto !
Jen kanzono nova pri knaba amikec’
Ambaŭ dum sep jaroj sekrete sin amis
Sed fine de l’sepa unu el edziĝis
Ho kantu alaŭdeto, ho kantu por ili !

Al la koramiko, jes kantu alaŭdeto !
Al la koramiko, kia malĝentilec’
Li portis bukedon, bukedon da rozoj
Ruĝaj kel amo sed plenaj je dornoj
Ho kantu alaŭdeto, jes kantu por ili !

Mia kara amik’, nu kantu alaŭdeto !
Mia kara amik’, venu mi invitas
Vin al la nupta fest’, pro nia amikec’
Venu partopreni en mia feliĉec’
Ho kantu alaŭdeto, nu kantu por ili !

Jam de malproksime, vi kantu alaŭdeto !
Jam de malproksime, vidu kiu rajdas
Sur blanka ĉevalo, jen la edziĝonto
Tiu mi ne estas, sed la perfidato
Ho kantu alaŭdeto, vi kantu por ili !

Balon enirante, ho kantu alaŭdeto !
Balon enirante, li al la novedzin’ :
Mi petas permeson kisi mian fraton
Naive ŝi diris : gratulu la edzon
Ho kantu alaŭdeto, ho kantu por ili !

Unu la alian, jes kantu alaŭdeto !
Unu la alian ili brakumis sin
Samgeste en koron klingon li enŝovis
Kaj tuj en la propran duan fojon frapis
Ho kantu alaŭdeto, jes kantu por ili !

Kia trista nupto, vi kantu alaŭdeto !
Kia trista nupto, diskuris la novaĵ’
Oni enterigis en apudaj tomboj
Korpojn de ĝis morto nedisigebluloj
Ho kantu alaŭdeto, vi kantu por ili !

Sur tombo de unu, nu kantu alaŭdeto !
Sur tombo de unu, kreskis alta pino
Dum sur la alia abio altiĝis
Kaj je ĉiu blovo la branĉoj plektiĝis
Ho kantu alaŭdeto, nu kantu por ili !

Oni faris mastojn, ho kantu alaŭdeto !
Oni faris mastojn el ilia ligno
Por ĉiam kaj kune sur la oceanoj
Veladas samŝipe la belaj amantoj
Ho kantu alaŭdeto, ho kantu por ili !
Por ĉiam kaj kune sur la oceanoj
Veladas samŝipe la belaj amantoj
Ho kantu alaŭdeto, ho kantu por ili !
 

Aucun commentaire:

Enregistrer un commentaire