plezurigan viziton !

plezurigan viziton !

28.4.15

Ĉu beleco transpasas la flugantan tempon ?



Kiam, jam ekscitita pro homplena dancloko kaj kelkaj ja alkoholitaj trinkaĵoj, Benedikto montris, al kiu volas, sian belan korpon de sportula masklo, li diris al ĉiuj flirtantaj ĉirkaŭ li : « geja mi ne estas ». Tamen, li eĉ ne rimarkis la belan junulinon, kiu perokulis lin ekde la komenco de l’ vesperfesto, kaj krome, ja kun sia amiĉjo Jakĉjo li rehejmeniris, tiu, kiu konas kaj partoprenas ĉion el siaj deliroj, el siaj ĉagrenoj, kaj mil ceterajn kozojn. Sed la ludon ni prikonsentu, Benedikto, ambaŭseksema vi estas, kompreneble, ĉar deksepjara vi ankoraŭ ne scias kiun vojon alpaŝi… La plezuron vi ŝatas, kaj vin senti deziratan plaĉas al vi, kaj ankaŭ ŝancelas vin. Sed haltu kelkiam vojborde. Ĉar tro da mispaŝoj perdigos vin mem, kaj perdigos al vi tempon. Same kiel viaj fratoj, tiuj nuntempaj lupidoj, vi kredas ekzisti nur kiam rapidas, tro rapidas. Ĉion vi gustumas, ĉion vi provas, kaj ĉion vi malaprobas en malpli da tempo, ol mi bezonis viaaĝe por digesti ĵus fiaskintan amrilaton. Tiu amzapado ŝajne al vi ne taŭgas. Mi rimarkis ĉi-vespere kelkajn malpli viglajn trajtojn, rigardon pli pezan, malpli da naiveco, kaj jama lacecon sur tiu ĉarma vizaĝo...

Elfrancigita kaj publigita el la franca blogo « Anima vagula blandula », kun la afabla kaj amika permeso de la aŭtoro Marc, kromnomita Hadrianus. Dankegon al li ! 

Aucun commentaire:

Enregistrer un commentaire