plezurigan viziton !

plezurigan viziton !

18.8.15

Morteto.




Morteto*

Mi ŝatas neniiĝi en la abismoj de l’ deziro,
Morti, kaj mem renaskiĝi en la senlimo de mallonga spasmo,
Miri pro la lumo min envolvanta,
Pro la fremda mano kuranta sur mia korpo,
Kiu tremetigas mian bruston en nehumana volupto…

Mi ŝatas perdiĝi, okulojn fermitajn, en steloplena ĉielo,
Dum mia mano dise delasas laktajn filamentojn,
Laŭ la lastaj skuoj de tutkorpa ŝanceliĝo,
Kiu eltiras de mi ĝemadon, stertoron, ĉu sufero, ĉu plezuro ?
Mi ŝatus neniel reveni, esti nura deziro
Serĉanta sian fonton kaj finon.

Esperantigita poemo de Eraste de Saint-Amant, Poèmes garçonniers (Knabaj poemoj), 2015.

*En la franca lingvo, « petite mort », t.e. « morteto » estas esprimo por difini la kvazaŭan svenon de la konscio dum orgasmo.

Aucun commentaire:

Enregistrer un commentaire