plezurigan viziton !

plezurigan viziton !

25.1.16

Ganimedo por Vikipedio.

Mirigis min, ke nenio troveblas en la esperanta Vikipedio pri Ganimedo. Do, mi provis verki mem artikolon pri tiu temo, kun la celo publikigi ĝin en Vikipedio. Sed ve ! La afero estas ja tro komplika, almenaŭ por mi... 
Ĉu eblas, ke iu el vi povus repreni la torĉon ? 
Jen la artikolo  :

 Ganimedo

Laŭ la helena mitologio, Ganimedo (en la antikva greka lingvo : Γανυμήδης) estis la amanto de Zeŭso kaj la vinverŝisto de la helenaj gedioj. Lia beleco estis famega.


Mito
Laŭ la Iliado, Ganimedo estis la plej bela el la mortemuloj : princo de Trojo, filo de Tros (reĝo de Dardanio) kaj de la nimfo Kalirhoo (filino de la rivera dio Skamandro), li do estis unu el la posteuloj de Zeŭso. Homero en la Iliado menciis, ke li estis forrabita « de dioj ».
Dum la juna princo paŝtis la familian ŝafaron sur la monto Idao, Zeŭso ekvidante lin aliformiĝis en aglon por lin forrabi. Tiam Ganimedo fariĝis la amanto de Zeŭso, antaŭ ol esti la vinverŝisto de la gedioj. Por kompensi la perdon de sia filo, Tros ricevis de Zeŭso kvar ĉevalojn, kiujn li havis de Pozidono. Laŭ alia tradicio, Zeŭso kompense donacis oran pokalon faritan de Hefesto.
Hera ne nur ĵaluzis la novan amanton, sed ankaŭ lian oficon estiel vinverŝisto, kiun Zeŭso deprenis de ŝia filino Hebo. Ŝi provis devigi sian edzon, ke li resendu Ganimedon inter la mortemulojn. Sed tute male, Zeŭso plialtigis lin ĉielen en la formo de la konstelacio Akvisto.
En pli malfrua varianto, Eoso forrabis Ganimedon kaj Titonon. Kiam Zeŭso ekvidis Ganimedon, li postulis lin de la diino. 


Aliaj
Ganimedo estas krome satelito de Jupitero. Galilejo, dank’ al sia teleskopo observis unue la kvar plej grandaj satelitoj de la planedo Jupitero. Ilin li nomis « Mediĉaj lunoj » omaĝe al la Mediĉoj. Sed lia rivalo, Simon Marius, proponis, ke oni prefer nomu ilin laŭ la nomoj de amantoj de Zeŭso. Ganimedo donis sian nomon ankaŭ al konstelacio Akvisto.  

1 commentaire: